Татарстанда “Игелеклелек SMS-хәбәре” акциясе кабат старт ала

Анжела Вавилова исемендәге фонд Татарстанда “Игелеклелек SMS-хәбәре” хәйрия акциясенең III этабын игълан итә.

8 июньнән һәр теләгән кеше яман шеш булган балаларга 5075 номерына “ДЕТИ” сүзен язып SMS-хәбәр җибәреп ярдәм итә алачак. Аның хисабыннан балаларга ярдәмгә 30 сум алыначак. Бу акча онкологик авырулары булган балаларны дәвалауга тотылачак. Акция нәтиҗәсендә җыелган акчаны файдалану турында мәгълүмат фондның www.angela-vavilova.ru сайтында биреләчәк.